JKCI YAPOKEA MILIONI 100 KWA AJILI YA KUSAIDIA MATIBABU YA MOYO KWA WATOTO



Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akipokea hundi ya shilingi milioni 100 kutoka kampuni ya ujenzi wa bomba la mafuta ghafi la Afrika Mashariki (EACOP) wakati wa hafla ya makabidhiano iliyofanyika leo Jijini Dar es Salaam.


Daktari bingwa wa wagonjwa wa dharura na mahututi wa Taasisi ya Moyo Jakaya Kikwete (JKCI) Vivian Mlawi akiwaelezea wageni kutoka kampuni ya ujenzi wa bomba la mafuta ghafi la Afrika Mashariki (EACOP) jinsi wanavyotoa huduma kwa watoto mahututi  kabla ya hafla ya makubidhiano ya hundi ya shilingi milioni 100 leo jijini Dar es Salaam.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza wakati wa hafla ya makabidhiano ya hundi ya shilingi milioni 100 kwaajili ya kuwasaidia watoto wenye matatizo ya moyo kutoka kampuni ya ujenzi wa bomba la mafuta ghafi la Afrika Mashariki (EACOP) leo jijini Dar es Salaam.

************************************************************************************************************************

Taasisi ya Moyo Jakaya Kikwete (JKCI) imepokea msaada wa shilingi milioni 100 kutoka kwa kampuni ya ujenzi wa bomba la mafuta ghafi la Afrika Mashariki (EACOP) kwa ajili ya kusaidia watoto wadogo wenye matatizo ya moyo wanaohitaji kufanyiwa upasuaji.

Akizungumza na waandishi wa habari jijini Dar es Salaam Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema msaada huo umeletwa katika wakati muafaka ambapo watoto wanaohitaji upasuaji wa moyo hawana uwezo wa kifedha.

Dkt. Kisenge amesema kuwa msaada huo utarudisha matumaini kwa watoto na watanzania walikuwa wanashindwa kulipa gharama za matibabu ya moyo.

“Leo tumepokea msaada wa shilingi milioni 100 kutoka kwa wenzetu wa EACOP ambao utagharamia upasuaji wa watoto wadogo wenye matatizo ya moyo.”

“Huu ni msaada mkubwa unaobeba matumaini makubwa kwa familia zisizo na uwezo.” Amesema Dkt. Kisenge.

Ameongeza kuwa fedha hizo si tu kwamba zitasaidia watoto walio na hali mbaya bali pia zitaongeza uwezo wa taasisi katika kutoa huduma bora na endelevu kwa watoto wenye matatizo ya moyo.

“Kwa kuwa upasuaji wa moyo unagharimu fedha nyingi kwa mtoto mmoja ni wazi familia nyingi haziwezi kumudu kwa hiyo msaada huu utasaidia kurudisha maisha ya watoto waliokuwa kwenye hatari ya kupoteza maisha lakini pia tutanunua vifaa muhimu vitakavyotumika kwenye upasuaji wa watoto.” Aliongeza Dkt. Kisenge.

Kwa upande wake Meneja wa Mradi wa EACOP Tawi la Tanzania Geofrey Mponda amesema kwamba licha ya wao kujihusisha na mradi wa bomba la mafuta wameamua kujihusisha na masuala ya afya kama sehemu ya kuikumbuka jamii.

“Ingawa jukumu letu ni ujenzi wa bomba la mafuta tuliona ni muhimu kugusa maisha ya watu moja kwa moja watoto ni kundi nyeti na linapoguswa linagusa pia msingi wa taifa la kesho.”

“Watoto wanapozaliwa hawajui lolote kuhusu dunia hii wanapokumbwa na changamoto ya kiafya jamii inapaswa kuwasaidia kwa kuwaponyesha watoto hawa tunawaandaa kuwa viongozi na wataalamu wa baadaye.” Alisema Mponda.

Daktari Bingwa wa Magonjwa ya Moyo kwa Watoto wa Taasisi ya Moyo Jakaya Kikwete (JKCI) Dkt. Naizihijwa Majani amesema kuwa takribani asilimia 80 ya watoto wamezaliwa na matatizo ya moyo.

“Karibu asilimia 80 ya watoto wanaopatiwa huduma hapa huwa na matatizo ya moyo ya kuzaliwa nayo hata hivyo wakipatiwa matibabu mapema wengi wao hupata nafuu kabisa na huishi maisha ya kawaida.”

“Tangu tuanze kutoa matibabu haya tumeona mabadiliko makubwa wapo waliorejea shuleni wengine wako vyuoni na baadhi yao wanataka kuwa madaktari kama sisi, msaada huu unabadilisha maisha ya mtoto kwa ujumla.” Alisema Dkt. Majani.

Kupitia msaada huo Taasisi ya Moyo Jakaya Kikwete itaweza kununua vifaa tiba kwaajili ya kuwasaidia watoto wenye shida ya moyo.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI kutanua huduma za matibabu ya moyo nchini

Image
Baadhi ya wafanyakazi wa Taasisi ya Moyo Jakaya Kikwete (JKCI) wakifuatilia yaliyokuwa yakizungumzwa wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa Taasisi hiyo wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Khuzeima Khanbhai akielezea kuhusu maendeleo ya maandalizi kikao cha CardioTan kinachoandaliwa na Taasisi hiyo wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Kaimu Mkurugenzi wa Utawala na Rasilimali Watu wa Taasisi ya Moyo Jakaya Kikwete (JKCI) Joachim Asenga akijibu hoja za wafanyakazi wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Mkuu wa Kiteng...
Read more