Shinyanga waitwa kupima moyo



Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi zawadi Mkuu wa Mkoa wa Shinyanga alipomtembelea ofisini kwake leo kabla ya kuanza kwa kambi maalumu ya siku tano ya Tiba Mkoba ya Mhe. Dkt. Samia Suluhu Hassan Outreach Services inayofanyika katika Hospitali ya Rufaa Mkoa wa Shinyanga (SRRH).

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimsikiliza mwananchi aliyefika katika Hospitali ya Rufaa Mkoa wa Shinyanga (SRRH) kwaajili ya kupata huduma za upimaji na matibabu ya moyo. Kushoto ni Mganga Mfawidhi wa Hospitali ya Rufaa Mkoa wa Shinyanga (SRRH) Dkt. Luzila Boshi akifuatiwa na Mganga Mkuu wa Mkoa wa Shinyanga (RMO) Dkt. Yudas Ndungile.

*****************************************************************************************************************************

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi zawadi Mkuu wa Mkoa wa Shinyanga alipomtembelea ofisini kwake leo kabla ya kuanza kwa kambi maalumu ya siku tano ya Tiba Mkoba ya Mhe. Dkt. Samia Suluhu Hassan Outreach Services inayofanyika katika Hospitali ya Rufaa Mkoa wa Shinyanga (SRRH).

Wakazi wa mkoa wa Shinyanga na mikoa ya jirani wametakiwa kujitokeza kwa wingi kupima afya za mioyo yao pamoja na saratani ya shingo ya kizazi huduma zinazotolewa kwenye kambi maalumu ya matibabu inayofanyika katika Hospitali ya Rufaa Mkoa wa Shinyanga (SRRH).

Wito huo umetolewa leo na Mkuu wa Mkoa huo Mhe. Mboni Mhita wakati akifungua kambi maalumu ya siku tano ya upimaji na matibabu ya moyo na saratani ya shingo ya kizazi inayofanyika katika Hospitali hiyo.

Mhe. Mboni alisema mkoa wa Shinyanga ni moja ya mikoa ambayo iko mbali na Hospitali zinazotoa huduma za kibingwa za matibabu ya magonjwa mbalimbali ikiwemo moyo kuwepo kwa kambi hiyo ya matibabu kutawasaidia wananchi kupata huduma ya uchunguzi na matibabu kwa urahisi tofauti na ambavyo wangezifuata Dar es Salaam.

“Tunaishukuru Serikali kwa uwekezaji mkubwa ulioufanya katika sekta ya afya hii ikiwa ni pamoja na kujenga majengo ya kisasa, kusomesha wataalamu na kununua vifaa tiba vya kisasa, huduma za matibabu ya ubingwa bobezi zimesogezwa karibu zaidi na wananchi hii ndiyo maana mnaona leo wataalamu wetu wako hapa Shinyanga kutoa huduma kwa wananchi”, alisema Mhe. Mboni.

Kwa upande wake Mganga Mkuu wa Mkoa wa Shinyanga (RMO) Dkt. Yudas Ndungile alisema katika kambi hiyo kutakuwa na madaktari bingwa wa moyo kutoka Taasisi ya Moyo Jakaya Kikwete (JKCI) ambao watatoa huduma za kibingwa za uchunguzi wa magonjwa ya moyo, elimu ya magonjwa ya moyo na kuwajengea uwezo wataalamu wa afya kutoka hospitali zote za wilaya za mkoa huu.

“Pia tuko na wataalamu kutoka Hospitali ya Aga Khan ya jijini Dar es Salaam ambao wanatoa huduma za uchunguzi wa saratani ya shingo ya kizazi, elimu ya magonjwa ya saratani, pamoja na matibabu ya awali ya ugonjwa huu ambao watakuwepo katika hospitali hii kwa muda wa wiki moja baada ya hapo watakwenda wilaya za Shinyanga na Kahama”, alisema Dkt. Yudas Ndungile.

Naye Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema kutokana na tatizo la magonjwa ya moyo ambayo yanaweza kuzuilika kwa kufuata ushauri wa kitaalamu kuwa kubwa na kusababisha vifo vya watu wengi, JKCI ilianzisha program ya Tiba Mkoba ya Mhe. Dkt. Samia Suluhu Hassan Outreach Services kwa kusogeza huduma za ubingwa bobezi kwa wananchi kwa kuwafuata mahali walipo.

“Katika program hii tunashirikiana na wataalamu wa Hospitali za Kanda, Mikoa, Wilaya na Vituo vya Afya kutoa huduma za uchunguzi na matibabu ya moyo, elimu ya lishe bora na matumizi sahihi ya dawa za moyo kwa wananchi. Tunawajengea uwezo wataalamu wa Afya wa kutambua na kutibu magonjwa ya moyo ili watakapowapata wagonjwa waweze kuwapa matibabu sahihi na kwa wakati”, alisema Dkt. Kisenge.

Dkt. Kisenge alisema tangu program hiyo imeanza mwaka 2022 wameshatoa huduma katika mikoa 21 na maeneo ya kazi 17 na kuwafikia watu 35,456 watu wazima wakiwa 32,345 na watoto 3,111 kati ya hao 12,685 watu wazima wakiwa 12,164 na watoto 521 walikutwa na matatizo mbalimbali ya moyo na kuanzishiwa matibabu.

“Katika ya watu tuliowaona wagonjwa 3,199 watu wazima 2,857 na watoto 342 walikutwa na matatizo yaliyohitaji matibabu ya kibingwa na kupewa rufaa ya kwenda kutibiwa JKCI” alisema Dkt.Kisenge.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI kutanua huduma za matibabu ya moyo nchini

Image
Baadhi ya wafanyakazi wa Taasisi ya Moyo Jakaya Kikwete (JKCI) wakifuatilia yaliyokuwa yakizungumzwa wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa Taasisi hiyo wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Khuzeima Khanbhai akielezea kuhusu maendeleo ya maandalizi kikao cha CardioTan kinachoandaliwa na Taasisi hiyo wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Kaimu Mkurugenzi wa Utawala na Rasilimali Watu wa Taasisi ya Moyo Jakaya Kikwete (JKCI) Joachim Asenga akijibu hoja za wafanyakazi wakati wa kikao cha wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam. Mkuu wa Kiteng...
Read more