Wahariri wahimizwa kuelimisha jamii kupambana na magonjwa ya moyo

Kaimu Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Dkt. Tulizo Shemu akizungumza na wahariri wa vyombo vya habari waliofika katika Taasisi hiyo Kliniki ya Kawe kwaajili ya kufanyiwa uchunguzi wa magonjwa ya moyo jana jijini Dar es Salaam.

Mwenyekiti wa Jukwaa la Wahariri Tanzania (TEF) Deodatus Balile akitoa neno la shukrani baada ya wahariri wa vyombo vya habari nchini kufanyiwa uchunguzi wa magonjwa ya moyo katika Taasisi ya Moyo Jakaya Kikwete Kliniki ya Kawe jana jijini Dar es Salaam.

Afisa Huduma kwa Wateja wa Taasisi ya Moyo Jakaya Kikwete (JKCI) Kliniki ya Kawe Zainabu Waziri akimpatia maelekezo Mhariri Mtendaji Mkuu wa Kampuni ya Mwananchi Communications Limited (MCL) Bakari Machumu alipofika katika Kliniki ya JKCI iliyopo Kawe kwaajili ya kufanyiwa uchunguzi wa magonjwa ya moyo uliokuwa ukifanywa kwa wahariri wa vyombo vya habari jana jijini Dar es Salaam.

Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Hospitali ya Dar Group Marsia Tillya akimfanyia kipimo cha kuangalia jinsi moyo unavyofanya kazi (Echocardiography ECHO) mhariri wa habari wakati wahariri kutoka vyombo mbalimbali vya habari walivyofanyiwa uchunguzi wa magonjwa ya moyo jana katika kliniki ya JKCI iliyopo Kawe jijini Dar es Salaam.

Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Hospitali ya Dar Group Eva Wakuganda akimfanyia kipimo cha kuangalia jinsi moyo unavyofanya kazi (Echocardiography – ECHO) mtoto aliyefika katika Kliniki ya JKCI iliyopo Kawe jijini Dar es Salaam.


Baadhi ya Wahariri wa vyombo vya habari wakiwa wanasubiri kupatiwa huduma ya uchunguzi wa magonjwa ya moyo katika Kliniki ya Taasisi ya Moyo Jakaya Kikwete (JKCI) iliyopo Kawe jijini Dar es Salaam.

Na: JKCI

*************************************************************************************************************

Wahariri wa vyombo vya habari nchini wametakiwa kutumia vyombo hivyo kuihamasisha jamii kufanya uchunguzi wa afya upande wa magonjwa yasiyoambukiza ikiwemo magonjwa ya moyo.

Rai hiyo imetolewa jana na Kaimu Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Dkt. Tulizo Shemu alipokuwa akiongea na wahariri hao waliofika kufanya uchunguzi wa magonjwa ya moyo katika Kliniki ya JKCI iliyopo Kawe jijini Dar es Salaam.

Dkt. Shemu alisema magonjwa ya moyo yanaua kwa kasi hivyo jamii ikiweza kupata elimu ya kutosha ya namna ya kutambua na kujikinga na magonjwa hayo itaweza kuyadhibiti kwa kufanya uchunguzi wa afya mara kwa mara kufahamu mapema na kuzuia gharama kubwa za matibabu ambazo mtu angetumia kwa kuchulewa kufanya uchunguzi.

“Magonjwa ya moyo huja kwakushtukiza, zaidi ya asilimia 60 ya watu wanaopata mstuko wa moyo hupoteza maisha kutokana na kuchelewa kupata huduma za matibabu kwa wakati”, alisema Dkt. Shemu

Aidha Dkt. Shemu ameitaka jamii pale inapokutana na changamoto za maumivu makali upande wa kushoto wa kifua kufika hospitali mapema kwaajili ya uchunguzi kwani maumivu hayo wakati mwingine hutokana na tatizo la mstuko wa moyo.

Kwa upande wake Mwenyekiti wa Jukwaa la Wahariri Tanzania (TEF) Deodatus Balile ameipongeza Taasisi ya Moyo Jakaya Kikwete kwa kuwa na maono ya kuwafikia watu wa aina mbalimbali kuwafanyia uchunguzi wa afya kwani bila hamasa hizo wapo watu ambao hasingepima.

Balile alisema kupitia upimaji huo wahariri zaidi ya 50 wamekutana kwaajili ya kuangalia afya zao ambapo wapo ambao hawakuwahi katika maisha yao kupima kipimo cha moyo hivyo kwao kuwa fursa.

“Kwakweli sisi kama wahariri tumefurahi sana kuona taasisi hii inatujali hivyo kuweka historia kubwa katika maisha yetu kwa kufanya vipimo hivi na kupata elimu ya kuwa tunachunguza afya zetu” alisema Balile

Aidha Balile amevitaka vyombo vya habari kuendelea kutumia vizuri kalamu zao kufikisha elimu sahihi kuhusu afya kutoka kwa wataalamu wa magonjwa mbalimbali hasa magonjwa yasiyoambukiza.

Naye mhariri wa gazeti la Mwananchi Lilian Timbuka alisema gazeti hiyo limekuwa likiandika habari tofauti tofauti ikiwemo habari za kina za afya kutoka kwa wataalamu wa afya.

“Afya tumeipa kipaumbele katika gazeti letu kwani tuna jarida letu la afya linalotoka kila siku ya ijumaa ambalo tumekuwa tukilitumia kuelimisha umma kuhusu masuala mbalimbali ya afya”, alisema Lilian

Lilian alisema kufanya uchunguzi wa afya sio lazima hadi pale unapoumwa bali uchunguzi huo unapaswa kufanyika mara kwa mara kufahamu vizuri maendeleo ya mwili na kubaini changamoto mapema.

“Jamii yetu imekuwa ikionyesha mwitikio mdogo pale zinapotokea nafasi za kufanya uchunguzi wa afya kwa uoga wa kukutwa na maradhi dhana ambayo inapelekea kushindwa kutatua changamoto za kiafya kutokana na kuchelewa kuzitambua”, alisema Lilian  


Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more