Mashabiki wa Yanga ambao ni askari Polisi wa kike watoa zawadi kwa watoto JKCI


Mashabiki wa timu ya mpira ya Yanga ambao ni askari Polisi wa kike kutoka vituo mbalimbali vya Jeshi hilo vya mkoa wa Dar es Salaam wakiwa katika picha ya pamoja na wafanyakazi wa Taasisi ya Moyo Jakaya Kikwete (JKCI) mara baada ya kutoa zawadi za watoto wanaotibiwa katika Taasisi hiyo.

Mashabiki wa timu ya mpira ya Yanga ambao ni askari Polisi wa kike kutoka vituo mbalimbali vya Jeshi hilo vya mkoa wa Dar es Salaam wakiwajulia hali watoto wanaotibiwa katika Taasisi ya Moyo Jakaya Kikwete (JKCI) walipotembea taasisi hiyo leo kwaajili ya kutoa zawadi za watoto wenye matatizo.

*********************************************************************************************************************************************************************************************************************************************************Mashabiki wa timu ya mpira ya Yanga ambao ni askari Polisi wa kike kutoka vituo mbalimbali vya Jeshi hilo vya mkoa wa Dar es Salaam wametoa zawadi  kwa watoto wenye matatizo ya moyo wanaotibiwa katika Taasisi ya Moyo Jakaya  Kikwete (JKCI) .

Zawadi hizo zimetolewa leo jijini Dar es Salaam na askari hao ambao walifika katika taasisi hiyo kwaajili ya na kutoa zawadi ambazo ni mahitaji ya kila siku ya watoto, kuwapa pole watoto pamoja na kuwafariji ndugu zao wanaowauguza.

Akizungumza mara baada ya kukabidhi zawadi hizo Mkuu wa Polisi wilaya maalumu ya kipolisi ya Mabwepande Mrakibu Mwandamizi wa Polisi (SSP) Colle Mashauri alisema wao kama wanawake wanatambua changamoto za watoto walioumwa pamoja na wazazi wao wanaowauguza hivyo basi wakaona ni vyema wafike katika taasisi hiyo kwaajili ya kuwafariji na kuwapa pole.

“Tumekuja kutoa msaada kwa watoto ikiwa ni mwendelezo wa kauli mbiu yetu ya  kuhakikisha watoto hawafanyiwi vitendo vya ukatili wa kijinsia isemayo tuwaambie kabla hawajaharibiwa, tuna madawati ya kupambana na ukatili wa kijinsia nchi nzima ambayo tunayatumia kuwasaidia watu wanaopitia katika changamoto hizo”.

“Ninawaomba wadau mbalimbali wakimemo mashabiki wa timu za mpira waige mfano wetu waje kuwaona watu wenye mahitaji mbalimbali kwa kufanya hivi watakuwa wamewafariji na kuonesha upendo kwao”, alisema SSP Colle.

Kwa upande wake Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Angela Muhozya alishukuru kwa zawadi hizo  na kusema kuwa zimekuwa ni faraja  kubwa kwa watoto na ndugu zao wanaowauguza.

“Ninashukuru sana kwa zawadi hizi watoto hawa kama mnavyowaona wanatoka katika mikoa  mbalimbali na wengine hawana ndugu hapa Dar es salaam wamefurahi kwa zawadi, ninawaomba watu wengine wafike hospitali  kuwasaidia watu wenye uhitaji”, alisema Dkt. Anjela.

Akizungumza kwa niaba ya wazazi wenzake ambao watoto wao wamelazwa katika taasisi hiyo Zainabu Abdala mkazi wa Tandika alisema mtoto wake alilazwa katika wodi hiyo tangu mwezi wa nane mwaka huu na kufanyiwa upasuaji wa moyo mwezi wa tisa anamshukuru Mungu mtoto anaendelea vizuri na ameruhusiwa kurudi nyumbani.

“Binafsi nilikata tamaa kabisa kuhusu matibabu ya mwanangu ninawashukuru sana wauguzi na madaktari ambao wamempambania mwanangu ambaye amepona na leo hii ameruhusiwa kurudi nyumbani”,.

“Ninawashukuru wadau ambao mmekuwa mkitusaidia kwa namna moja au nyingine kwani watu mbalimbali wanakuja hapa wanatoa mahitaji ya watoto na kutupunguzia wazazi mawazo ya wapi tungepata mahitaji yao”, alisema Zainabu.

Zainabu aliwatia moyo wazazi ambao wana watoto wenye matatizo ya moyo wasikate tamaa kama yeye wasimame na Mungu kwani hakuna kisichowezekana kuna wataalmu wazuri wenye  moyo wa upendo na kujali ambao wanawahudumia watoto wenye matatizo ya moyo katika Taasisi ya Moyo Jakaya Kikwete (JKCI).


Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more