Wamarekani wakutana JKCI kambi maalumu ya upasuaji wa moyo

Wataalamu wa upasuaji mkubwa wa moyo wa Taasisi ya Moyo Jakaya Kikwete (JKCI) na wenzao kutoka Shirika la Cardio Start International la nchini Marekani wakimfanyia upasuaji wa kupandikiza mishipa ya damu mgonjwa ambaye mishipa yake ya damu imeziba wakati wa kambi maalumu ya siku tano inayofanyika katika Taasisi hiyo iliyopo Jijini Dar es Salaam.

Wataalamu wa upasuaji mkubwa wa moyo wa Taasisi ya Moyo Jakaya Kikwete (JKCI) na wenzao kutoka Shirika la Cardio Start International la nchini Marekani wakimfanyia upasuaji wa kurekebisha mshipa mkubwa wa damu (Aorta) mgonjwa ambaye mshipa wake mkubwa umetanuka wakati wa kambi maalumu ya siku tano inayofanyika katika Taasisi hiyo iliyopo Jijini Dar es Salaam.

Wataalamu wa upasuaji mkubwa wa moyo kwa watoto wa Taasisi ya Moyo Jakaya Kikwete (JKCI) na wenzao kutoka Shirika la Mending Kids International la nchini Marekani wakimfanyia upasuaji wa kuziba tundu la moyo wa mtoto wakati wa kambi maalumu ya siku tano inayoendelea katika Taasisi hiyo iliyopo jijini Dar es Salaam.

Picha na: Khamis Mussa

***********************************************************************************************************

Wataalamu mabingwa wa upasuaji wa moyo wa Taasisi ya Moyo Jakaya Kikwete (JKCI) na wenzao kutoka Shirika la Cardio Start International na wengine kutoka Shirika la Mending Kids lnternatinal ya nchini Marekani wameweka kambi maalumu ya upasuaji wa moyo kwa watoto na watu wazima.

Ushirikiano huo unafanywa na wataalamu hao kutokana na uwekezaji mkubwa uliowekezwa na Serikali ikiwemo wataalamu na vifaa tiba vya kisasa vilivyopo katika Taasisi ya Moyo Jakaya Kikwete (JKCI).

Akizungumza na mwandishi wa habari hii Mkurugenzi wa Upasuaji wa Moyo wa Taasisi ya Moyo Jakaya Kikwete (JKCI) Angela Muhozya alisema kwa kushirikiana na shirika la Mending Kids la nchini Marekani kwa muda wa wiki moja wanatarajia kuwafanyia upasuaji mkubwa wa moyo watoto 15 hadi 20 wenye matatizo ya matundu kwenye moyo na wale ambao mishipa yao ya damu haiko sawa.

“Tunafanya kambi hii na wataalamu kutoka shirika la Mending Kids kwapamoja tunashirikiana kurekebisha mishipa ya damu ambayo haijakaa sehemu sahihi pamoja na kuziba matundu kwa watoto lengo likiwa kupunguza idadi ya watoto wanaosubiri upasuaji wa moyo”, alisema Dkt. Angela

Dkt. Angela alisema kambi nyingine ya upasuaji wa moyo kwa wiki hii ni kutoka shirika la Cardio start International la nchini Marekani ambao wanashirikiana na JKCI kufanya upasuaji mkubwa wa moyo kwa watu wazima wenye matatizo ya moyo.

“Shirika la Cardio Start International wamegawanyika mara mbili hapa tunao wataalamu wanaotoa matibabu ya kupandikiza mishipa ya damu iliyoziba na wengine watafanya upasuaji kwa wagonjwa wa kurekebisha mshipa mkubwa wa moyo uliotanuka au kupasuka.

“Upasuaji wa moyo kwa wagonjwa ambao mishipa yao ya damu zaidi ya mitatu imeziba hauwezi kufanyika kwa tundu dogo, hivyo tutaufanya kwa njia ya kufungua kifua kwa wagonjwa saba”,

“Ubobezi katika kurekebisha mshipa mkubwa wa moyo (Aorta) uliotanuka au kupasuka unaopeleka damu shingoni, kichwani, kwenye ubongo na katika milango ya fahamu utafanyika kwa wagonjwa watano”, alisema Dkt. Angela

Dkt. Angela alisema mashirikiano yote hayo yanafanyika kwa kusudi la kuwajengea uwezo wataalamu na kuongeza ufanisi katika kutoa huduma kwa wagonjwa wa moyo waliopo nchini.

Kwa upande wao wagonjwa wanaosubiria kufanyiwa upasuaji katika kambi hiyo wameishukuru serikali kuwezesha upatikanaji wa matibabu ya moyo hapa nchini.

Godfrey Mgaya kutoka Iringa ambaye mshipa wake mkubwa wa damu umetanuka alisema amekuwa akisuribi kufanyiwa upasuaji huo ambao anaamini baada ya kufanyiwa tatizo la kupumua alilonalo litaondoka.

“Namshukuru Mungu wiki hii nitafanyiwa upasaujia, maana nimekuwa nikipumua kwa shida, daktari aliniambia mshipa wangu mkubwa wa damu umetanuka na valvu moja ya moyo ahaifungi”, alisema Godfrey

Naye Francis Gurti kutoka Arusha amewashukuru wataalamu wa afya wa JKCI na wenzao kutoka Shirika la Cardio Start International kwa kuendesha kambi hiyo kuwasaidia wagonjwa ambao wanahitaji kufanyiwa upasuaji wa moyo.

“Mimi nina tatizo la shinikizo la juu la damu lakini hivi karibuni baada ya kupata maumivu makali upande wa ubavu wa kushoto daktari aliniambia mshipa mkubwa wa damu umetanuka na sasa nipo hapa nasubiria upasuaji”, alisema Francis 

 

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more